我的酒井法子!

       前日,玩具狗(未婚妻)突然同我講: 酒井法子失左踪,0係湖度搵到一條屍,好似係佢泥wo…..!當我聽到呢個消息既時候,覺得好突然(雖然佢未死,但好似已經當佢死左咁),因為當年佢都係我既偶像,而且係唯一既一個偶像。

        酒井係好多男仕們既夢中情人,於好多人來說亦都只係純粹既理想情人的人辦,可是,對我泥講,酒井對我生命既意義就非常之大了。

        還記得當年我只有14歲,在學校裡我喜歡了一個女生,是第一眼已經好喜歡那種。可惜,由於我身材樣貌條件樣樣皆衰,兼且溝女技巧拙劣,那女生不喜歡我,因此她就只能遠觀不能觸摸。直至有一天,我行經CD店見到有一張POSTER,當中的女仔無論眼神輪廓甚至樣貌同我喜歡的那位女生有9成相似,就係咁,我就買左呢張POSTER返屋企,順理成章咁做左呢個人既FANS啦,之後先知道原來呢個同我心上人9成似既女歌手,叫做酒井法子。由果時起,酒井法子幾乎成為我心上人既代名詞。

        由於當年我全方位既條件已經屎到不能再屎既原故,我為左追求”酒井法子”我做左一件小事,就係去左書店買左一本有關於心理既書,希望可以了解心上人多D,亦從此養成了自修既習慣,以至第一次創業既動力都同”酒井法子”有關,因為我想拿到一點成就,得到她的認同。此前,我絕對係一個只識食玩訓,經常逃學既邊青而已。

        就係當年”酒井法子”既出現,令到我既命運出現左微細偏差,持續不斷既自學加上對成就既追求,令到長大後本應該垃圾市井的我(因為同我同一背景既同學都逃唔過呢個命運),從這垃圾堆中拯救了出來,所以”酒井法子”對我來說意義深遠。

        今年年頭,我在朋友的婚宴上再次見返佢,已經十幾年了,當時我真的百感交集,我既未婚妻亦都同我一起。我諗左好耐,應唔應該話佢知邊個係酒井法子同有關佢既事,因為女人都係寧舍多疑同介意的。我最終都選擇左話佢知,因為如果唔係有呢個酒井法子既出現,佢都唔會識到我呢個老公。未婚宴無論學歷同工作層面同我都有好大分別,如果我冇自修習慣,我相信大家連溝通都成問題,還談什麼相愛呢!!!

        雖然,”酒井法子”已經完成左佢既”任務”,亦都唔再係我既偶像,但係我都千萬個希望佢唔會有事,平安渡過。


        多謝你,酒井法子^^