天真的創業精神 VS 成熟的鳩UP齋plan精神!!
剛過去的星期6晚既新聞透視,當中講到有大學畢業生苦苦搵工,亦都有一些打算搏一搏創業,而其中一個case就係3個年輕人攪網上廣告,0係兩個月內已經用左十多萬。當時我同玩具狗覺得太攪綽頭,但並唔能夠創造價值而搵到更多人落廣告。
今晚,我0係forum度見到一個topic,內容係講呢幾個大學畢業生有幾咁唔掂,幾咁白痴,幾咁不切實際,而個網頁又係幾咁搵人笨實等等。雖然當中大家所講既好多都係事實,例如:網頁設計只需幾千蚊甚至唔洗錢,但佢地就用左4萬蚊;廣告價格太貴而且效果好差;淨係識攪綽頭,但就冇任何有價值既地方吸引人去睇等!!
雖然呢次佢地失敗既機會高得很,而且批評佢地既人當中亦不乏有經驗既人,但試問又有幾多個有咁既"吉士",扮呢扮lu,俾人當傻瓜;為左自己既夢,那怕係天真低能兼白痴到無輪既白日夢而真金白銀咁lo十幾萬出泥而身體力行去實現呢???
我現在真的很嚴正咁懇請呢d成熟的鳩UP人仕們,希望你地除左批評之外,能夠多一點欣賞人家的創業精神,多一點給予人家的勇氣一份尊重。
我仲記得我20歲那年我希望領悟創業之道,其中一位menter,佢係當時一間仍然係不經傳的雲吞面店"池記"既東主,當佢講到有d火火地而我仍然係唔明白行動既重要性時佢就話:阿良,你唔好以為0係電視度睇到e拉克同美國打仗好似好過引,打緊仗架,會死人架,你而家0係度做緊咩呀????你而家0係度飲緊凍檸茶ja!!!!